Klubi i Benficës mund të konsiderohet pa frikë si një nga modelet më të suksesshëm vitet e fundit sa i takon futbollit europian. Portugezët rezultojnë një shembull në menaxhim teksa në sezonet e fundit kanë mbyllur me sukses operacione si Joao Felix, Ruben Dias, Darwin Nunez dhe Enzo Fernandez. Transferime që klubit i kanë sjellë të ardhura marramendëse klubit.
Së fundmi, portugezët siguruan edhe kualifikimin në çerekfinalet e Champions League teksa eliminuan me rezultatin e përgjithshëm 7-1 Club Brugge. Të gjitha këto arritje nuk janë të rastësishme, të paktën kështu e mendon Adel Taarabt.
Ish-futbollisti i Milanit ka qenë pjesë e radhëve të Benficas për shtatë vite dhe së fundmi shprehet se në klubin portugez diferencën e bën mentaliteti. Taarabt shprehet se futbollistët tek Benfica nuk e kanë mendjen te modelet dhe se kontrolli nga drejtuesit e klubit është shumë i theksuar.
Lexo edhe:
- Për të pestën herë në formacionin e javës, Daku më i miri në Slloveni
- Faza e 1/8-tave, Jorgjit i besohet ndeshja e skuadrës italiane në Conference League
- Sylvinho flet për përgatitjet për Poloninë: Do të ketë prurje të reja, dua disa liderë
“Në momentin që lojtarët grumbullohen në hotel, të vendosin një byrzylyk që tregon vendndodhjen e secilit lojtar. Ata dinë edhe orën kur futbollistët flejnë gjumë. Klubi është shumë i avancuar në këtë teknologji, është çmenduri. Të shumtë janë ata që dyshojnë në nivelin e futbollit portugez. Por, unë e kam thënë gjithmonë që Ruben Dias do t’i surprizojë të gjithë.
Në vitin e parë ai ishte lojtari më i mirë në Premier League. Lojtarët te Benfica janë shumë të përgatitur mentalisht, jeta e tyre është e fokusuar te futbolli. Aty nuk ka jetë nate, janë shumë familjarë dhe nuk i harrojnë prindërit e tyre. Atje lidhen me të dashurat e tyre që në moshën 13-vjeçare, nuk janë djem që shkojnë pas modeleve apo vajzave të rrejteve sociale. Ata kanë një mentalitet shumë ndryshe”, u shpreh Taarabt.
