Tirana ka mposhtur me rezultatin e pastër 2-0 Egnatian ndërsa një nga më të dalluarit e kësaj sfide ishte Marsel Ismajlgeci, i cili në mungesë të Hoxhallarit, mori edhe shiritin e kapitenit. Anësori i bardhebluve foli në emisionin Gol Pas Goli në Supersport, teksa theksoi se në fushë te Tirana janë të gjithë kapitenë, ndërsa zbuloi se Muçi dhe Çelhaka do ta kontaktojnë kur të dalin nga zona e ftohtë, referuar pozicionit të vështirë që ka Legia në Poloni.
Kapiten i Tiranës, ndjesia? “Është një ndjenjë shumë e mirë, por nuk ka rëndësi kush e mban shiritin. Në fushë të gjithë jemi kapitenë”.
Shumë lojtarë nga akademia- “Është puna e drejtuesve që kanë parë nga akademia dhe kanë marrë lojtarë që ia vlejnë të jenë në ekipin e Tiranës.
Nuk ka qenë sezoni më i mirë personal deri tani- “Edhe në sezonin e kaluar kisha bërë vetëm një asist dhe një gol, por deri në fund statistikat. ndryshuan”.
Të ngacmon Muçi dhe Çelhaka? Kur të dalin nga zona e ftohtë atëherë do të më flasin ato
Me kë je në Big Brother? “Me Donaldin jam, ai na përfaqëson pak ne të rinjtë”, u shpreh Ismajlgeci.