Italia ngec përballë Austrisë, me skuadrën e Mancinit që u mund me rezultatin 2-0 në ndeshjen miqësore.
Italianët kishin dominimin e pjesës më të madhe të sfidës, megjithatë austriakët ishin më efektivë përpara portës.
Ekipi i Rangnick ia doli që të ndizte festën në “Ernst Happel Stadion”, me Schlager që zhbllokoi sfidën në minutën e 6’ duke realizuar pas një asisti nga Arnautovic.
Ndeshja vazhdoi me rezultatin 1-0 deri në minutën e 35’, kur Alaba do të realizonte golin e dytë për vendasit.
Në pjesën e dytë italianët tentuan të reagonin, por pa mundur të kishin sukses, të cilët pas fitore 1-3 ndaj Shqipërisë në “Air Albania”, bien në Vienë në miqësoren me Austrinë.
Austriakët nga ana e tyre i gëzohen kësaj fitoreje të dytë, pasi më herët fituan me rezultatin 0-1 ndaj Andorës në “Estadio La Rosaleda”.
