Italia kualifikohet për në Euro 2024. Të kaltrit e Luciano Spallettit vuajtën jo pak ndaj Ukrainës në ‘Bay Arena’ të Leverkusenit, por ia dolën të marrin atë që donin, barazimin 0-0, që u siguroi kualifikimin më tej me 14 pikë, po aq sa ukrainasit, por me avantazhin e përballjeve direkte.
Ukrainasit e Rebrov ishin të dënuar të fitojnë dhe bënë një 90-minutësh mjaft të mirë në Gjermani, duke merituar shumë më tepër se një barazim pa gola, por fati dhe forma e mirë e Donnarummës, nuk lejuan shënimin e golit që do t’i çonte në Gjerman.
Në shtesë pati edhe një pretendim për penallti nga ana e Ukrainës, me Acerbin që ndërhyri ndaj Mudryk brenda zonës, por arbitri spanjoll Manzano urdhëroi vijimin e lojës, teksa episodi pritet të shkaktojë jo pak debat.
Lexo edhe:
- Dy veteranë të Bayernit duhet të rinovojnë kontratat, situatat respektive
- Pa bileta për ndeshjen me Ishujt, reagojnë “Plisat”: Kthehemi në ditët e vështira
- 20 vite TKZ, Saliaj: Flamur gjigant dhe mesazh për plagën e madhe
- Inzaghi: Lauara Pausini më dërgonte mesazhe, si hoqa dorë nga 5 milionë…
E mbyll duke festuar Italia e Spallettit, që pasi dështoi të marrë pjesë në Kupën e Botës një vit më parë, këtë herë siguroi në frymën e fundit një biletë për në Gjermani 2024, ku do të shkojë si kampione në fuqi.
Në sfidën tjetër të grupit, Anglia u ndal në barazim 1-1 në Shkup ndaj Maqedonisë së Veriut, teksa për këta të fundit shënoi shqiptari Enis Bardhi, ndërsa për skuadrën e Southgate riktheu baraspeshën Harry Kane.
