Me Suedinë, ka shkuar në 29 numri i skuadrave që kanë siguruar biletën për në botërorin ‘Rusi 2018’. Kanë mbetur për t’u përcaktuar vetëm 3 skuadra, që do të vendosen nga përballjet Australi-Honduras, Peru-Zelandë e re dhe Irlandë-Danimarkë.
Në të 3 këto sfida janë luajtur takimet e para dhe kanë përfunduar me rezultatin 0-0, ndërsa të kthimit do të luhet në 3 ditët në vijim.
Më poshtë janë 29 skuadrat e kualifikuara dhe ndarja e tyre në vazo, para hedhjes së shortit të grupeve:
Vazo 1: Rusia, Gjermania, Brasili, Portugalia, Argjentina, Belgjika, Polonia, Francia
Vazo 2: Spanja, Zvicëra, Anglia, Kolumbia, Meksika, Uruguai, Suedia
Vazo 3: Kosta Rika, Tunizia, Egjipti, Senegali, Irani
Vazo 4: Nigeria, Japonia, Maroku, Panamaja, Koreja e Jugut, Arabia Saudite
Skuadrat e paklasifikuara nëpër vazo ende, por që kanë siguruar kualifikimin janë: Serbia, Islanda dhe Kroacia.