Connect with us

Hi, what are you looking for?

Euro 2024

Italia me halle në sulm, Mancini e gjen zgjidhjen në Argjentinë

Roberto Mancini, trajner i Italisë, befason me vendimin e tij të fundit për të grumbulluar në përfaqësuese një sulmues që është pjesë e skuadrës Tigres, në Argjentinë.

Quhet Mateo Retegui, ka shënuar gjashtë gola në po aq takime të Superligës së Argjentinës dhe sipas asaj raportimeve të orëve të fundit, i ka shkuar thirrja nga Mancini për ndeshjet e të kaltërve për Euro 2024.

Italia do të angazhohet fillimisht në Napoli, kundër Anglisë, më 23 mars, dhe më pas në Ta’ Qali, më 26 mars, në fushën e Maltës.

I lindur në vitin 1999, Retegui u rrit si futbollist te Boca Juniors, një klub me të cilin ai është ende i lidhur me kontratë, por në sezonet e fundit ka veshur gjithmonë fanellat e Estudiantes dhe Talleres në huazim.

Shpërthimi i tij ndodhi në Viktoria, me Tigre, ku në vitin e tij të parë shënoi 19 gola në 27 ndeshje, ndërsa viti 2023 u nis me 6 gola në 6 ndeshje të ligës.

Lexo edhe:

Shumë i fortë nga pikëpamja fizike, një nga cilësitë e tij më të mira është lufta ajrore. Është sulmues i aftë për të mbajtur peshën e repartit dhe për të tërhequr skuadrën.

Mateo Retegui u përgjigjet nevojave të Roberto Mancinit, i cili nuk e ka fshehur shqetësimin për problemet në sulmin e kombëtares.

“Problemet janë serioze. Immobile është i dëmtuar, Raspadori në dyshim. Ka pikëpyetje të mëdha. Pothuajse të gjithë sulmuesit tanë qendrorë kanë luajtur shumë pak muajt e fundit.

Nuk kemi asnjë që është titullar, me përjashtim të Gnontos, i cili ka luajtur pak më shumë te Leeds dhe mund të veprojë si qendërsulmues,” – do të deklaronte Mancini.

Retegui do t’u bashkohet lojtarëve të tjerë me origjinë italianë që vihe nën urdhrat e Mancinit si: Emerson Palmieri, Rafael Toloi dhe Jorginho. Por ka edhe më.

Në orët e fundit nga Argjentina ka mbërritur lajmi se një tjetër talent ka vendosur të luajë për Italinë: Bruno Zapelli.

Klubi i tij, Belgrano, njoftoi se i kishte ardhur ftesa nga Italia U-21 e drejtuar nga Paolo Nicolato.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...