Italia ndërron trajner, por jo skemë loje, teksa edhe Luciano Spalletti duket i bindur të vijojë me rreshtimin 4-3-3 të përdorur nga Mancini, aq më tepër që kjo mënyrë loje është e preferuar edhe për trajnerin toskan.
Gjatë këtyre ditëve Spalletti ka bërë prova të shumta, sidomos për krahët e sulmit, por edhe në qendër, ku i favorizuar duket se është Raspadori, sulmues i Napolit, që njeh mirë kërkesat e trajnerit për atë rol.
Lexoni edhe:
- Tjetër goditje nga Arabia, sulmuesi i Atl. Madrid feston ditëlindjen dhe firmos me Al-Shabab
- VIDEO/ Kombëtarja prag ndeshjeve me Çekinë dhe Poloninë/ “Rrëfehen” Roshi, Muçi, Strakosha Berisha dhe Hysaj
- Asnjë mungesë në Europian, por kush është dhe si vjen Çekia ndaj Shqipërisë?
- Shpenzimet në merkato, Premier League sa katër ligat e tjera kryesore të marra së bashku
Në krah janë provuar futbollistë të ndryshëm, por gjasat janë që të jenë Chiesa e Zaniolo ata që do të luajnë titullarë në krah të sulmuesit kryesor, teksa në repartet e tjera ka pak dilema. Kështu në portë do të konfirmohet Donnarumma, ndërsa në mbrojtje Di Lorenzo në krah të djathtë, Scalvini e Bastoni në qendër dhe Dimarco në krahun e majtë.
Në mesfushë janë të konfirmuar Barella e Tonali, teksa para mbrojtjes gjasat janë që të luajë njëri mes Locatellit dhe Cristantes. Italia do të luajë ndaj Maqedonisë së veriut dhe Ukrainës në dy ndeshje eliminatore për Gjermani 2024.
