Leganes është pranë arritjes së marrëveshjes me Real Madrid për të marrë në huazim portierin Andriy Lunin. Lunin u bashkua me kampionët e Europës këtë verë nga ukrainasit e Zorya Luhansk për rreth 8.5 milionë euro.
Por transferimi i Thibaut Courtois dhe qëndrimi i pritshëm i Keylor Navas, duket se i ka minimizuar shanset e portierit 19-vjeçar për të luajtur në “Santiago Bernabeu”, ndaj dhe huazimi i tij është zgjidhja më e mirë për të gjitha palët.
Portieri ndiqet edhe nga Real Valladolid dhe Rayo Vallecano, të cilat po ashtu e kërkojnë në huazim, por Leganes është më përpara me bisedimet me madrilenët, që kërkojnë një sistemim për djaloshin ukrainas.