Ashtu sikurse pritej, Izair Emini është përforcimi i rëndësishëm për sulmin e Dritës së Gjilanit. 33-vjeçari, i cili spikati sezonin e kaluar me Shkëndijën e Tetovës, duke shënuar 11 gola në 25 ndeshje, vendosi të vijonte karrierën në Kosovë, aty ku “Intelektualët” kanë shumë nevojë për golat dhe përvojën e tij.
Emini ka luajtur në Kategorinë Superiore të Shqipërisë në radhët e Kukësit, ku fitoi 3 trofe: Kupën, Superkupën e Shqipërisë dhe kampionatin.
Për sulmuesin ka pasur interesim edhe nga klubet e Superiores, por futbollisti vendosi të provonte një aventurë të re në kampionatin e Kosovës.
