Përzgjedhësi i Kombëtares së Kosovës U-21, Rafet Prekazi, ka publikuar listën e futbollistëve që do t’i ketë në dispozicion për ndeshjen e radhës kundër Irlandës në kuadër të kualifikueseve për Europianin 2019.
Ka një miks lojtarët që luajnë në kampionatin kosovar me elementë të tjerë që po spikatin në ligat europiane, kryesisht në Gjermani, Zvicër, Kroaci etj.
Ndeshja zhvillohet të premten, më 7 shtator, në orën 19:00, në stadiumin “Adem Jashari” në Mitrovicë, ndërsa grumbullimi i futbollistëve nis të hënën më 3 shtator.
