Tenis

Jack Sock siguron pjesëmarrjen në turneun e 8 më të mirëve

Triumfi i Jack Sock në Paris shënon suksesin e parë të tenistit nga Shtetet e Bashkuara në turnetë ‘Masters 1000’ dhe natyrisht një rezultat i tillë përbën padyshim edhe arritjen më të madhe në karrierë për 25-vjecarin nga Nebraska. Fitorja në kryeqytetin francez bëri të mundur që Jack Sock të ngjitet nga vendi i 24-t, ku pozicionohej në fillim të javës së kaluar, deri në vendin e 9 në renditjen sezonale.

Ky pozicion i jep tenistit amerikan mundësi për të qenë pjesë e 8 tenistëve, që javën e ardhshme në Londër, do të luajnë në turneun përmbyllës ATP World Tour Finals, duke patur parasysh faktin që Stan Wawrinka, që klasifikohet i 7-i, e ka mbyllur prej kohësh sezonin, për shkak dëmtimi.

Duke lënë mënjanë përballjen e Kupës Davis, Francë – Belgjikë, që starton më datë 20 nëntor si dhe turneun e Milanos “Next Generation Finals”, ku do të marrin pjesë vetëm tenistët e rinj, vëmendja është e gjitha për turneun e 8 tenistëve më të mirë të sezonit, që do të fillojë javën e ardhshme në kryeqytetin britanik.

Në Londër do të jenë 8 tenistë nga 8 kombësi të ndryshme, gjithsesi në radhë kronologjike kualifikimin e siguruan fillimisht Rafael Nadal dhe Roger Federer, ndërsa më pas dy tenistëve më të mirë të vitit 2017, iu bashkëngjitën njëri pas tjetrit Alexander Zverev dhe Dominic Thiem. Rafa nuk e ka fituar kurrë turneun përmbyllës të sezonit, por gjithsesi arsyet kuptohen pak a shumë, pasi finalet e 8 më të mirëve të vitit zhvillohen prej kohësh në sipërfaqe të shpejtë dhe mbi të gjitha në fusha të mbyllura, për më tepër në këtë pjesë të fundit të vitit “Mbreti i fushave me dhe” paraqitet gjithmonë tepër i lodhur.

Roger Federer është padyshim favoriti i madh, pasi 36-vjeçari zviceran kërkon trofeun e 7 në këtë aktivitet dhe siç dihet është tenisti më i suksesshëm i këtij kompeticioni. Sasha Zverev bën debutimin në ATP World Tour Finals dhe për të bërë një figurë sa më të mirë, tenisti gjerman hoqi dorë nga pjesëmarrja në turneun e Milanos, ndërkaq austriaku Dominic Thiem merr pjesë për herë të dytë në Londër.

Gjatë muajit tetor garantuan pjesëmarrjen kroati Marin Cilic dhe bullgari Grigor Dimitrov, ndërsa javën e kaluar lista e pjesëmarrësve u kompletua edhe me dy emrat e fundit. Fillimisht ishte tenisti belg David Goffin, që u kualifikua dhe në vazhdim fitoi të drejtën gjithashtu pikërisht Jack Sock, që për herë të parë në karrierë u fut në dhjetëshen e parë të botës. Në takimin e parë në Paris Bercy, tenisti amerikan i përmbysi në mënyrë të pabesueshme disavantazhin 5-1 në setin final, britanikut Kyle Edmund, duke hequr dorë kështu nga pushimet që kishte prenotuar në Augusta, për të luajtur golf bashkë me mikun e tij John Isner.

Pas tërheqjes në raundin çerekfinal nga takimi me serbin Filip Krajinoviç, doktorët e këshilluan 31-vjecarin Rafael Nadal që të hiqte dorë nga Mastersi i Parisit, gjithsesi ditën e hënë mjekët i thanë tenistit nga Majorka që gjuri nuk është përkeqësuar, çka lë të kuptohet që Rafa do të jetë pjesë e turneut të 8 tenistëve më të mirë të sezonit, përndryshe ai që përfiton është natyrisht spanjolli tjetër Pablo Carreno Busta, që konsiderohet si rezerva e parë e këtij turneu.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency