Muaji i mjaltit mes James Rodriguez dhe Bayern Munich mesa duket po shkon drejt fundit. Pas largimit të Carlo Ancelottit, mesfushori kolumbian nuk ndihet dhe aq komod në Mynih dhe po mendon seriozisht largimin nga Bavaria që në janar. James i cili është transferuar te Bayerni në formë huazimi me detyrim blerjeje nga ana e kampionëve të Gjermanisë pas dy vitesh nuk dëshiron të qëndrojë gjatë në Alianz Arena dhe ka shumë mundësi që golashënuesi më i mirë i Botërorit Brazil 2014 të rikthehet te “Los Blancos”, që në merkaton e dimrit.
