Jamie Vardy shpallet golashënuesi më I mirë I premier League-s për sezonin 2019-2020. Sulmuesi 33-vjeçar i Leicester City-t e mbylli kampionatin anglez me 23 gola, një më shumë se Pierre-Emerick Aubameyang dhe Ings i Southamptonit. Për veteranin e “Dhelprave” ky çmim individual nuk vjen në mënyrën e duhur, pasi pikërisht në javën e fundit Leicesteri humbi mundësinë për të marrë pjesë në Champions League sezonin ardhshëm. Vardy nuk mundi ta gjente rrjetën në përballjen m Manchester United (0-2).
Në këtë javë të fundit Aubameyang realizoi dy gola në fitoren e Arsenalit përballë Watfordit (3-2), ndërsa Ings shënoi golin e tretë në suksesin 3-1 të Southamptonit ndaj Sheffield Utd, por pa mundur qoftë të barazonin Vardy-n.
