Adnan Januzaj do të bëhet lojtar i Sevillas, por ky operacion do të bëhet i mundur vetëm pasi argjentinasi Lucas Ocampos të kalojë te Ajax.
Në orët e fundit ka pasur shumë zhvillime dhe nga mediet spanjolle raportohet se përfaqësuesi i Ocampos ndodhet në Seville, ndërsa lojtari këtë të martë nuk ka qenë në stërvitje me skuadrën e Lopeteguit.
Ndërsa për ta zëvendësuar argjentinasin, i zgjedhuri është 27-vjeçari i cili aktualisht është pa skuadër, pasi i ka përfunduar kontrata me Real Sociedad.
Januzaj dëshiron që të luajë në Champions League dhe duket se do e plotësojë me bashkimin me Sevilla-n këtë qëllim.