Arda Turan e ka të qartë se e ardhmja e tij është larg Barcelonës. Mesfushori turk nuk është aktivizuar qoftë në një nga 11 ndeshjet e sezonit dhe nëse është grumbulluar në ndonjë rast nga Valverde kjo ka ndodhur për shkak të mungesave të shumta në radhët e “blaugranave”. Duke parë realitetin, që nuk është në favor të tij, Turan dhe përfaqësuesit e tij ligjorë por mendojnë për një destinacion të ri në muajin janar.
Gallatasaray mbetet opsioni i parë, por nuk është i vetmi. Shumë klube të tjera e kërkojnë, por bisedimet vështirësohen kur diskutohet pika më e rëndësishme: paga, që është e lartë për buxhetet e skuadrave që e duan. Turan nuk tërhiqet, madje ka treguar se kur bëhet fjalë për para është gati të qëndrojë edhe pa luajtur, mjafton që të mos i preken të ardhurat.
Valverde tashmë ia ka bërë të qartë se nuk e ka në planet e tij, kështi që mesfushori turk duhet t’i bëjë mirë llogaritë nëse dëshiron të jetë protagonist, përvecse në bordero, edhe në fushën e blertë.
