Connect with us

Hi, what are you looking for?

Kategoria Superiore

Java e 30-të mund të vendosë fatet e kampionatit!

Për herë të parë në vitet e fundit kampionati shqiptar mund të mbyllë llogaritë kryesore shumë javë përpara fundit, duke nisur që nga xhiro e 30-të që zhvillohet e tëra të shtunën. Matematikisht gara duhet të presë disa javë, por gjasat janë të mëdha që ekipet të dorëzohen këtë fundjavë, në mos janë dorëzuar. Partizani me 12 pikë përpara është thuajse kampioni i ri i vendit, me Kukësin që duket i dorëzuar në garën e titullit. Të kuqtë janë të vendosur ta sigurojnë sa më parë trofeun dhe pse jo në Fushë Krujë ndaj Kastriotit, një fushë që përfaqëson një nga zonat më të njohura të tifozerisë së kuqe. Nëse suksesi i formacionit të Skënder Gegës shoqërohet me një fitore të Tiranës ndaj Kukësit atëherë titulli është vetëm 3 pikë larg.

Gërshetimi i përballjeve është i tillë me skuadrat që garojnë për mbijetesë, dhe në rast se regjistrohen rezultatet e mësipërme atëherë me shumë mundësi Kastrioti ngre flamurin e bardhë duke u dorëzuar në garën e mbijetesës, pasi Tirana do të largohej me 9 pikë. Më e fortë parashikohet gara për zonën europiane, me Teutën, Flamurtarin, Skënderbeun, Laçin por edhe Kukësin që duhet të luftojnë për 2 vendet që të çojnë në Europë. Në këtë aspekt vetëm për europën gara pritet të qëndrojë e hapur pasi situata në klasifikim është kaotike dhe nuk nxjerr asnjë favorite.

 

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...