Java e parë e Kategorisë Superiore e cila nisi me emocione dhe rezultate surprizë, i lë menjëherë vendin raundit të dytë të kampionatit i cili do të luhet i gjithi të dielën për t’i lënë vendin më pas ndeshjeve të kombëtares shqiptare, miqësores ndaj Kosovës dhe sfidave delikate ndaj Kazakistanit dhe Bjellorusisë në Nations League. 4 takimet e para të javës do të luhen në orën 13:45 ndërsa takimi i Korçës mes Skënderbeut dhe Vllaznisë në 16:45. Spikat mbi të gjitha dueli mes Tiranës dhe Teutës, dy skuadrave që pritet të rivalizojnë për titullin në këtë edicion pa harruar ndeshjen tjetër të orës 13:45 mes Kukësit dhe Partizanit, dy ekipeve që zhgënjyen në javën e parë me humbjet respektive ndaj Tiranës dhe Kastriotit. Po në këtë javë do luhen edhe dy sfida që mund të konsiderohen derbi për afërsinë e qyteteve. Laçi pret në Kurbin Kastriotin ndërkohë që Loni Papuçiu në Fier, Apolonia do sfidojë Bylisin.
Java e Dytë
E dielë, 8 Nëntor
Tirana-Teuta, ora 13:45
Laçi-Kastrioti, ora 13:45
Apolonia-Bylis, ora 13:45
Kukësi-Partizani, ora 13:45
Skënderbeu-Vllaznia, ora 16:45
