Federata Shqiptare e Futbollit ka përcaktuar shpërndarjen e ndeshjeve të javës së 28-të të Kategorisë Superiore, e para për fazën e katërt. Takimet e këtij raundi do të luhet dy të shtunën dhe tri të dielën. Kuptohet, skuadrat që do të jenë të angazhuara në mesjavë në gjysmëfinalet e Kupës së Shqipërisë do të zbresin në fushën në ditën e fundit të javës.
Të shtunën, në të njëjtin orë, pra në 16:00, do të zhvillohen Kukësi – Tirana dhe Partizani-Kastrioti. Kuptohet sfida me më shumë rivalitet do të jetë mes dy skuadrave që luftuan për titullin kampion sezonin e kaluar, me bardhblutë ende në lojë të paktën për një vend në Kupat e Europës. Ndërkohë, për Partizanin është detyrim fitorja përballë Kastriotit në funksion të objektivit titull.
Të dielën, në orën 13:00, Apolonia e vendit të fundit pret Vllazninë, ndërsa në 16:00 Teuta luan në transfertë me Skënderbeun dhe Laçi pret Bylisin.
Java 28
E shtunë, më 17 prill
Kukësi-Tirana (16:00)
Partizani-Kastrioti (16:00)
E diel, më 18 prill
Apolonia-Vllaznia (13:00)
Skënderbeu-Teuta (16:00)
Laçi-Bylisi (16:00)