Java e ardhshme pritet të jetë vendimtare për të ardhmen e Lorenzo Insignes në skuadrën e Napolit, pasi menaxheri i sulmuesit, Mino Raiola pritet të takohet me presidentin Aurelio De Laurentiiis.
Situata e Insignes në klubin napolitan nuk është aspak e mirë, pasi përveç formës në rënie, së fundi sulmuesi ka provuar edhe vërshëllimat në momentin e zëvendësimit në ndeshjen ndaj Arsenalit, ndërsa më pas u la në stol nga Ancelotti ndaj Atalantës.
Megjithatë klauzola për prishjen e kontratës së tij me Napolin është 100 milionë euro dhe kjo shifër ka trembur shumë klube, ndaj Raiola pritet t’i kërkojë De Laurentiisit uljen e pretendimeve, për të bërë të mundur largimin.
Megjithatë, në rast se napolitanët do të synojnë të mbajnë sërish kapitenin në skuadër, atëherë do të duhet të negociojnë përmirësimin e termave financiarë të tij dhe konsolidimin e pozitave në ekip.
