Antonio Conte është bërë ditën e sotme pjesë e “Hall of Fame” të futbollit italian. Trajneri i Tottenham, i cili ka fituar titullin kampion në Itali me Juventusin dhe Interin, dhe në Angli me Chelsea, ka karikuar kombëtaren italiane.
Me të kaltrit ka një lidhje speciale, pasi e drejtoi Italinë në vitet 2014-2016. Skuadra e Roberto Mancinit do të sfidojë Maqedoninë e Veriut në gjysmëfinalet e fazës “play-off” të Katar 2022.
Nëse kalohet pengesa ballkanase, kampionët e Europës i pret fituesi i çiftit Portugali-Turqi për një biletë në Botëror. “Nuk kishim fat, në grup dhe në shortin e ‘play-off’.
Gjithsesi, ne jemi Italia dhe e kemi të qartë se çfarë duhet të bëjmë. Jemi kampionët e Europës, nuk duhet ta harrojmë këtë fakt. Kualifikimi në Botëror nuk do të jetë një mision i thjeshtë.
Dy skuadrat më të forta, Italia dhe Portugalia bëjnë pjesë në të njëjtin grup, por e përsëris: i kemi në rregull kartat për t’ia dalë. Duhet të shkojmë medoemos në Katar”, deklaroi trajneri italian.
[quiz-cat id=”297576″]
