Sevilla ka një lidhje të veçantë me Europa League, trofe të cilin e ka fituar gjashtë herë, si asnjë skuadër tjetër.
Andaluzianët janë konfirmuar edhe këtë sezon, duke mbërritur në gjysmëfinalet e Europa League.
Skuadra spanjolle luan të enjten (21:00) duelin e parë ndaj Juventusit, në Torino, përballje që do të transmetohet në SuperSport 2.
Lexo edhe:
- Barazon rekordin e Sir Alex Fergusonit, Ancelotti unik në Champions
- Nga “mrekullia” tek “drama”, Leicester vetëm një hap larg Championshipit
- Manchester United i bindur për partnerin e Rrahmanit, gati të paguajë klauzolën
- “Është tradhtar” dhe “E ka kapur skleroza”, dy legjendat e Brazilit i bën armiq politika
Presidenti i Sevillas, Jose Castro Carmona “kërcënon” bardhezinjtë e Max Allegrit. “Një tjetër transfertë. Nëse kualifikohemi, do të luajmë finalen e radhës.
Ndjesitë i kam të mira. Kemi bërë gjithmonë gjëra ndryshe nga të tjerët në këtë kompeticion. Jo më kot e kemi fituar shumë herë.
Juventusi? Ata kanë kampionë si Pogba, Cuadrado dhe Vlahovic, por jam i sigurt se Juventusi nuk do e ketë të thjeshtë të përballet me mbretërit e Europa League”, u shpreh kreu i klubit spanjoll.
