Rikthim te Barcelona, transferim në Arabinë Saudite apo kalimi në MLS, futbollin amerikan? Pas një reflektimi të gjatë, Leo Messi e ka marrë vendimin final në lidhje me skuadrën e ardhshme të karrierës.
Kampioni i botës me Argjentinën dhe 7 herë fituesi i Topit të Artë”, do të luajë me Inter Miami, klub ku David Beckham është një nga pronarët.
Lexo edhe:
- Grumbullimi i Shqipërisë/ Grupit i bashkohet Cikalleshi, stërvitje e diferencuar për mesfushorin
- Ish-mbrojtësi i Bylisit braktis Superioren, rikthehet në Maqedoni te Shkëndija
- Vllaznia gjen pasuesin e Sedloskit, zyrtarizimi pritet në orët e ardhshme
- “Mos rreziko”, Verstappen injoroi sërish urdhrat e skuadrës në Çmimin e Madh të Spanjës
Guillem Balague shkruan se gjithçka është e mbyllur dhe Messi do të firmosë së shpejti me klubin nga Florida.
Babai i tij, Jorge Messi, njëkohësisht edhe agjenti i yllit argjentinas, takoi Joan Laportën, presidentin e Barcelonës.
“Leo dëshiron të rikthehet në Camp Nou”, u shpreh ai, por problemet ekonomike të kampionëve të Spanjës ndikuan që të mos realizohet dëshira e madhe e tij dhe popullit katalanas.
Ndërkohë, Al Hilal kishte gati një ofertë të çmendur me 400 milionë euro në sezon! Por, familja Messi nuk dëshiron të kalojë “pensionin” në botën arabe. Duke refuzuar ofertën e majme për të jetuar diku tjetër.
35-vjeçari ka zgjedhur Inter Miamin për të kaluar vitet e fundit si futbollist profesionist. Marrëveshja për t’u bashkuar me Interin vjen edhe pasi Messi planifikon të ndërtojë një qendër stërvitore në Florida.
