Një plan i dështuar që ka rritur tensionin mes palëve. Ka një arsye të fortë, që lidhet me merkaton, pse Jose Mourinho është shumë i pakënaqur me sjelljen e Zaniolos, sulmuesit të ri italian të verdhekuqve.
Roma ishte gati të nënshkruante më lojtarin që do ta zëvendësonte sapo Nicolo të hidhte firmën në skuadrën e Bournemouthit. Bëhet fjalë për Dusan Tadic, kapitenin e Ajaxit të Amsterdamit dhe Serbisë, të cilin Mourinho e kishte bindur tashmë ta ndiqte në Trigoria.
Në moshën 34-vjeçare, me vetëm një vit kontratë të mbetur me me “Harkëtarët”, Tadic do të kushtonte disa milionë, duke e lejuar klubin verdhkuq të siguronte një fitim të mirë kapitali dhe të ulte faturën e pagave.
Kjo lëvizja do të kishte lejuar gjithashtu Tiago Pinto të afronte një tjetër qendërmbrojtës, duke plotësuar edhe kërkesat e trajnerit.
Refuzimi i Zaniolos për t’u transferuar te Bournemouthi hodhi në erë të gjithë planin. Të paktën tani për tani, kjo është e vërteta, siç shkruan “Corriere dello Sport”.