Edinson Cavani vazhdon të tërheqë vëmendjen e shumë klubeve. “El Matador” mbylli aventurën me Manchester United dhe është i lirë të zgjedhë vetë skuadrën e radhës, që mund të jetë e fundit në karrierën e një prej goleadorëve më të mirë latinë.
Villareal vazhdon të insistojë për shërbimet e 35-vjeçarit. Në lojë është futur edhe Borussia Dortmund, që e cilëson si pasardhësin e Sebastian Haller, i cili ka probleme me shëndetin dhe do të mungojë gjatë.
ESPN shkruan se Cavanin e kërkon edhe Boca Juniors. Klubi i famshëm argjentinas është gati ta kthejë në idhullin e ri të tifozëve. Provimi i një aventure në “Bombonera” e tundon jo pak sulmuesi.
Por ka një problem! Cavani duhet të vendosë shpejt, pasi merkato në Argjentinë mbyllet më 8 gusht. Goleadori kërkon të kalojë në një ekip ku mund të luajë rregullisht.
Botërori i Katarit është afër dhe do të jetë i fundit për emra si Cavani, Suarez dhe Godin. Uruguai është pjesë e grupit H, aty ku do sfidojë Portugalinë, Ganën dhe Korenë e Jugut.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?