Vjen afrimi i parë i Partizanit. Mesfushori Emiljano Musta ka firmosur marrëveshjen me të kuqtë. 29-vjeçari mbyll kështu aventurën e tij me Laçin pas një sezoni, duke u transferuar në radhët e klubit kryeqytetas. Ky është rikthim për Mustën në radhët e Partizanit, pasi ka qenë pjesë e të kuqve edhe përgjatë sezonit 2013-2014. Në postimin e Partizanit shkruhet:
“FK Partizani njofton arritjen e marrëveshjes me Emiljano Mustën. Mbrojtësi 29 vjeçar ka nënshkruar sot një kontratë dy vjeçare me të kuqtë. Musta i cili ishte pjesë e ekipit të Laçit rikthehet në familjen e kuqe, bluzë të cilën e ka veshur edhe përgjatë sezonit 2013 – 2014. Musta do të mbaj nr. 29 dhe sot i bashkohet menjëherë ekipit në Ohër për tu vënë në urdhrat e trajnerit Ilir Daja.”
Kështu, të kuqtë pasurojnë organikën e tyre me një lojtar cilësor, i cili në radhët e Laçit ka qenë një titullar i padiskutueshëm, ku ku është aktivizuar në 32 sfida. Ndërkohë, që më kurbinasit ai ka gjetur rrugën e rrjetës 5 herë. Me afrimin e Conference League, kompeticionit më të ri futbollistik të UEFA-s, drejtuesit e Partizanit kanë nisur punën për përforcimin e skuadrës në mënyrë që aventura e tyre të nisë sa më mirë. Ky nuk do të jetë afrimi vetëm, pasi të kuqtë po vazhdojnë punën për të siguruar emra të tjerë me peshë.