Kristian Asllani do të debutojë me kombëtaren shqiptare në miqësoret ndaj Spanjës dhe Gjeorgjisë. Mesfushori i Empolit është një nga risitë e trajnerit Reja për duelet e 26 dhe 29 marsit.
20-vjeçar ka zhvilluar 15 ndeshje në Serie A me skuadrën toskane, duke u dalluar me paraqitjet e tij pozitive. Çmimi i kartonit po i rritet, teksa e njëjta gjë po ndodh edhe me klubet e interesuara për shërbimet e tij.
Milani e ndjek prej kohësh, Paolo Maldini e pëlqen shumë dhe drejtuesi i kuqezinjve ka nisur bisedimet me agjentin e lojtarit shqiptar dhe drejtuesit e Empolit.
“Djalli” është gati të paguajë 10 milionë euro për kartonin e Asllanit, i cili mund të qëndrojë edhe një vit i huazuar tek Empoli, për të përfituar më shumë minuta dhe eksperiencë.
Mesfushori monitorohet edhe nga Juventusi e Interi, por jo vetëm. Gazetari italian, Alfredo Pedulla raporton se Asllani ka përfunduar edhe në fokusin e Manchester City, që së shpejti do të dërgojë disa skautë për ta ndjekur në aksion.
[quiz-cat id=”297576″]
