Marko Grujic, mesfushori serb i Portos, është kthyer në një objektiv për disa klube të mëdha. Pas Manchester United, për shërbimet e tij interesohet edhe Milani.
Corriere dello Sport shkruan se kuqezinjtë kane nisur edhe tratativat. Vetë futbollisti 27-vjeçar ka dhënë “OK”-in për transferimin e tij në Serie A dhe kampionëve të Italisë tashmë u duhet të bindin Porton.
Grujic shikohet si pasuesi ideal i Franck Kessie. Më parë mesfushori ka luajtur edhe te Liverpool, që e shiti atë te portugezët për 9 milionë euro. Ai është aktivizuar edhe në Bundesliga me Hertha Berlin dhe një eksperiencë te kampionët e Italisë e josh shumë.
Lexo edhe:
- Nga Messi te Skriniar, kontratat e yjeve të futbollit që skadojnë në verë
- “Blindohet” Napoli, Italia në alarm për huliganët anglez
- Nisin eliminatoret e EURO 2024, ndeshjet që mund të ndiqni në “SuperSport”
- Flet trajneri: Prenga një bishë, synon të pushtojë botën
Mesfushori numëron 30 ndeshje me Porton këtë sezon, duke regjistruar një gol dhe një asist me “Dragonjtë e Oportos”. Ndërkohë, ai ka veshur 19 herë fanellën e Kombëtares.
