Mirsad Jonuz ka kritika në drejtim të skuadrës së tij, pavarësisht fitores së thellë ndaj Luftëtarit. Trajneri i Vllaznisë foli me rezerva për lojën.
“E rëndësishme është që kemi fituar, por edhe që shënuam katër gola. Kishte shumë gabime që ne duhet t’i rregullojmë, si në sulm ashtu dhe në mbrojtje. Nuk kemi shumë mirë komunikimin në mbrojtje. Pasimet nuk ishin të sakta. Ka pasur momente që mua nuk më kanë pëlqyer. Kemi humbur shumë topa dhe ka pasur shumë probleme. Në futbollin profesionist nuk duhet të ndodhin këto gjëra.”
Lojtarët me kartonë të verdhë: Problem ishte që patëm edhe 6 futbollistë me kartonë të verdhë, duhet të kishim kujdes se ndeshjen tjetër e kemi me Skënderbeun. Bardulla dhe Adili nuk do të luajnë ndeshjen tjetër. Malota ka qenë me kartonë të verdhë, ka munguar dhe Gurishta me Hygorin. Kur ka mungesa, edhe problemet janë të dukshëm.
Komunikimi mes reparteve: Ata duhet ta kuptojnë që nuk luhet vetëm në sulm. Prandaj thashë që komunikimi mes sulmit dhe mbrojtjes nuk ishte i mirë. Portieri që debutoi sot ishte mirë. Katër gola do të thonë shumë, por nuk jam shumë i kënaqur”.