Këtë të shtunë luhet derbi i Shqipërisë Vllaznia-Tirana. Trajneri i shkodranëve Mirsad Jonuz ka besim se skuadra e tij do të dalë me një rezultat pozitiv nga kjo sfidë ndërkohë që në konferencën për shtyp, ai foli edhe për gjëndjen e lojtarëve të dëmtuar dhe merkaton.
Klasikja me Tiranën? “Për shkak se kam luajtur shumë derbi si trajner dhe si futbollist dhe veçanërisht sepse është një derbi i përjetshëm, ka shumë rëndësi si do të përfundoj kjo ndeshje. Është një ndeshje e mirë për futbollin shqiptar. Vetë situata në të cilën ndodhemi me katër pikë, na bën optimist.
Fitore? “Kush nuk e do që në fund të gjithë bashkë të gëzohemi. Do të ishte një fillim i mirë me 7 pikë në tre ndeshje?
Dëmtimet? “Skuadra është gati është e motivuar, veç Gligorovit që mungon. Me ne bashkë do të jetë edhe Ramadani”.
Ramadani? “Natyrisht është një lojtar me shumë rëndësi dhe që nga momenti i parë do të luajë pjesën e tij. Ai ka kaluar një dëmtim dhe tashmë është në gjendje shumë të mirë. Kjo është një mundesi shumë e mirë për ne sepse do kemi zgjidhje në mesfushë.
Mbrojtësi afrikan? “Mendoj se është gjatë fundit e gjithë procedura. Besoj se deri në përfundim të merkatos do të jetë pjesë e Vllaznisë”.