Lojtari më i mirë i ndeshjes Partizani-Laçi u përzgjodh Julian Shehu, autor i golit të kurbinasve, i shënuar me 11-metërsh. Në lidhjen me “Gol pas Goli”, Shehu deklaroi:
“Pa dyshim që ishte shumë e vështirë, ishim përgatitur për të marrë fitoren, i kishim mundësitë, por e lëshuam ndeshjen në pjesën e dytë. Partizani po sulmonte më shumë forca, na vuri në trysni dhe barazoi. Nuk them se është rezultat i keq, por kishim mundësi për të marrë fitoren.
Penalltia? Merremi vesh me njëri-tjetrin, besoja që do të shënoja dhe falë Zotit ia arrita.
Asnjë ekip nuk është perfekt, duhet të përmirësohemi në disa aspekte. Po të ishim përfektë, do të ishim në vendin e parë.
Trajneri nuk merret me emrat e përveçëm, por me ekipin, në përgjegjësi. Duhet të përmirësohemi si ekip. Trajneri na jep qetësinë e duhur, që tani e kemi dhe por reflektohet edhe me rezultatet.
Asgjë nuk është e pamundur, shpresoj të bëjmë të njëjtën rrugë si vitin e kaluar, gjithçka mbetet për t’u parë. Ekipi më i fortë? Përderisa Tirana është në vendin e pare, është ekipi më i fortë”.