Liridon Latifi është zyrtarisht futbollist i Sherifit të Tiraspolit në Moldavi. 25-vjeçari, ish-sulmues i Skënderbeut, u largua nga Akademia Pushkash në Hungari, për të nisur një aventurë të re.
Eksperienca e tij në kampionatin hungarez nuk rezultoi e suksesshme dhe këtë e tregojnë edhe shifrat. Në dy sezone u aktivizua në 29 takime në kampionat, duke shënuar vetë, një gol.
Te Sherifi i Tiraspolit Latifi do të ketë mundësi të rikonfirmohet edhe në Kupat e Europës. Minutat e pakta në dispozicion tek Akademia Pushkash kanë ndikuar edhe humbjen e terrenit në përfaqësuese.
