Në miqësoren ndaj Kastriotit për Teutën zbriti në fushë për disa minuta edhe sulmuesi lezhjan Silvio Zogaj i cili vendosi të ndërpriste bashkëpunimin me Vllazninë pas dy sezonesh, vetëm pak ditë më parë. Zogaj ka arritur akordin me Teutën për një kontratë 3-vjeçare dhe është përforcimi më i ri në sulm për skuadrën e Edi Martinit. 23-vjeçari Zogaj në dy sezonet e fundit me Vllazninë mes Kategorisë së Parë dhe asaj Superiore arriti të realizonte në total 5 gola. Ndërkohë, Teuta ka zgjatur bashkëpunimin me Bobi Celeskin. Portieri 23-vjeçar nga Ohri, pjesë e Teutës prej gushtit të vitit 2018, ka firmosur edhe për një tjetër vit, duke konfirmuar qëndrimin te ekipi durrsak edhe për sezonin e ri, edhe pse ai do të vazhdojë të jetë zëvendësuesi i Stivi Frashërit.
