Largimi i papritur i Neymar nga Barcelona, shkaktoi kaos te skuadra “blaugraba”. U mendua se pa brazilianin skuadra do të humbiste shumë forcë në fazën sulmuese, por statistikat e këtij fillmsezoni tregojnë të kundërtën, Barca është më efektive pa Neymar. Jordi Alba, në një intervstë të gjatë dhënë për “El Mundo Deportivon” befasoi teksa u shpreh se te Barcelona ka shumë lojtarë që mund ta zëvendësojnë sulmuesin, madje ai vetë ndihet më mirë në formacion pa “yllin” brazilian.
“Neymar pa dyshim që është një futbollist i madh, por për shkak të rrethanave vendosi që të largohej. Barcelona ka lojtarë të tjerë shumë të mirë dhe që mund të arrijnë gjëra të mëdha. Dhe, sic e kam thënë edhe më parë, largimi i Neymar ka rezultuar pozitiv për mua, sepse mund të avancoj me shumë dhe të tregoj potencialin tim në fazën sulmuese.”
Në fakt, largimi i Neymar nuk është reflektuar negativisht te Barcelona. Përkundrazi, skuadra kryeson La Ligan me 8 pikë më sumë se Reali i Madridit, si dhe thuasje ka siguruar kalimin e grupit në Champions.