Paraqitjet e mira në fillimin e këtij sezoni me Fiorentinën si dhe me kombëtaren e Serbisë e kanë shndërruar atë në një prej lojtarëve më të kërkuar në Europë. Po flasim për mbrojtësin Nikola Milenkoviç, i cili në “Artemio Franchi” po zhvillon ndeshje vërtet mbresëlënëse, aq sa do të jetë e vështirë që ai të vazhdojë të veshë këtë fanellë edhe pas muajit janar. Sipas mediave angleze, Milenkovic është një nga të preferuarit e trajnerit të Manchester United, Jose Mourinho, aq sa tekniku portugez e ndoqi nga afër në takimin që kombëtarja e tij zhvilloi në Podgoricë, kundër Malit të Zi. Sipas të njëjtave burime, “Djajtë e kuq” kanë bërë gati një ofertë 60 milionë euro për ta transferuar atë që në janar.
