Atalanta vazhdon punën për të përforcuar mbrojtjen. Drejtuesit e klubit bergamask po hasin vështirësi për të arritur te mbrojtësi i Paokut, Dimitris Giannoulis dhe për të mos hasur në surpriza të pakëndëshme kanë hedhur sytë nga 24-vjeçari i Barcelonës, Junior Firpo, që shikohet si një mundësi e mirë për repartin e prapavijës. Klubi italian ka nisur menjëherë bisedimet me katalanasit, të cilët e vlerësojnë futbollistin 25 milionë euro. Pavarësisht kësaj, klubi blaugrana është i hapur për negociata dhe sipas mediave italiane, futbollisti mund t’i bashkohet ekipit të drejtuar nga Gasperini në formë huazimi për 2 milionë euro me të drejtë blerjeje përfundimtare për 18 milionë euro dhe 5 milionë euro të tjera si bonuse.
