Mesfushori i Montpellier, Junior Samba, i cili ishte njëkohësisht futbollisti i parë i Ligue 1 në Francë, që u prek nga Covid-19, ditën e djeshme kaloi në koma artificiale, duke qenë se gjendja e tij shëndetësore kishte ardhur duke u përkeqësuar nga dita në ditë gjatë kësaj jave.
Megjithatë mediat franceze citojnë burime pranë spitalit dhe raportojnë sot se Samba ka dalë nga koma e po mbahet nën monitorim të vazhdueshëm, ndërsa mjekët shprehen se pjesa më e vështirë për 23-vjeçarin mund të ketë kaluar.
Junior Samba u shtrua në spital në fillim të kësaj jave, ndërsa nga dita në ditë gjendja e tij shëndetësore erdhi duke u rënduar deri të premten në mbrëmje kur kaloi në koma artificiale dhe rrezikoi humbjen e jetës.