Fiorentina është ende pa trajner për sezonin e ardhshëm. Me Iachinin që u rikthye për të zëvendësuar Prandellin e dorëhequr, drejtuesit kanë në mendje disa alternativa por disa skuadra po luftojnë ende për objektiva ndaj nuk ka qartësi për timonierin e ardhshëm. Gattuso që pëlqehet nga Comissio nuk do të japë përgjigje deri në qershor ndërsa De Zerbi kërkon garanci për investime teksa së fundmi po rriten kuotat e Ivan Juriç. Ky i fundit po bën shumë mirë me Veronën dhe është gati të nisë një projekt më ambicioz siç është Fiorentina por drejtuesit nuk duan të nxitohen dhe po presin fundin e sezonit.
