Ivan Juric është një njeri i drejtpërdrejtë, ka qenë si futbollist dhe është si trajner. Tekniku aktual i Torinos, nuk ka dashur të përdorë filtra kur u pyet për situatën e Etrit Berishës, portierit të Kombëtares Shqiptare, të cilin e ka nën urdhrat e tij në klubin italian, por që nuk e grumbullon që pas 15 janarit.
Madje “gardiani” kuqezi nuk ka zbritur në fushë në asnjë ndeshje të Serisë A këtë sezon (ka qenë i grumbulluar në 13 raste). Arsyeja është e thjeshtë: Juric preferon Vanja Milinkovic-Savic si titullar, por ka më shumë.
“Berisha e ka vështirësi të bëjë portierin e dytë: stërvitet keq dhe kjo është e dëmshme. Kush nuk stërvitet mirë, mbetet jashtë”.
Lexo edhe:
- VIDEO/ Tottenhami fiton derbin me West Hamin dhe ngjitet në vendin e katërt
- Lamborghini, Ferrari, Mercedes…, zbuloni flotën luksoze të Elseid Hysajt
- VIDEO/ Juventusi merr fitoren e radhës, Moise Kean e Di Maria ndëshkojnë Spezian
Siç shpjegoi trajneri i Torinos, portieri shqiptar nuk e pranoi rikthimin si portier i dytë pasi ishte protagonist në javët e fundit të sezonit të kaluar.
“Vitin e kaluar dha një kontribut të madh, por tani e ka pasur të vështirë ta pranojë këtë situatë. Preferoj që ai të stërvitet veçmas dhe Gemello të bëjë të dytin”.