Connect with us

Hi, what are you looking for?

Merkato

Juve në sulm për Icardin, Inter mund të arkëtojë 85 milionë euro

Juventus është në kërkim të një sulmuesi dhe drejtuesit e klubit duket se kanë vendosur të sjellin Mauro Icardin këtë verë në Torino, ndaj kanë nisur negociatat me Paris Saint Germain për të transferuar argjentinasin, në një marrëveshje të gjerë, ku pritet të futen disa lojtarë në shkëmbim.

Francezët kanë vendosur të blejnë kartonin e Icardit nga Interi për shifrën e 70 milionë eurove, siç e kishin parashikuar në marrëveshjen e huazimit, ndërsa më pas do të shesin sërish në Itali, por këtë herë te klubi torinez, që e kërkon sulmuesin prej 2 sezonesh.

Edhe verën e kaluar Paratici provoi të marrë argjentinasin në Torino, por marrëveshja dështoi pasi as Dybala dhe as Higauin nuk pranuan të largohen nga Torino, ndërsa këtë verë duket se janë pjekur kushtet, sepse ish sulmuesi i Napolit ka kërkuar të lërë bardhezinjtë këtë verë.

Nga ana tjetër Interi është në rolin e spektatorit komod, pasi e ka të sigurt arkëtimin e 70 milionë eurove për kartonin e Icardit, ndërsa nëse ish kapiteni do të përfundojë te Juventus, në arkat e zikaltërve do të përfundojnë edhe 15 milionë euro të tjera.

Kjo pasi në marrëveshjen e huazimit është parashikuar që PSG mund të blejë Icardin për shifrën e 70 milionë eurove në verë, por nëse e shet në një skuadër italiane, do të duhet të paguajë edhe 15 milionë shtesë, ndërsa nëse e shet në një skuadër europiane, edhe 10 milionë euro shtesë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...