Pas fitores së vështirë në Allianz Stadium ndaj Veronës, Juventusi po përgatitet për transfertën e Rigamontit ndaj Brescias një ndeshje jo e lehtë siç e la të kuptohet edhe trajneri Sarri, për më tepër që në këtë transfertë bardhezinjtë do të jenë pa yllin e tyre Cristiano Ronaldo. Pas fjalëve të Sarrit ka ardhur edhe konfirmimi zyrtar nga ana e klubit bardhezi. Ronaldo ka mbetur jashtë listës së të grumbulluarve për sfidën ndaj Brescias për shkak të një problemi me aduktorët dhe do të jetë mungesa e madhe e bardhezinjëve në këtë takim. Në krahun tjetër ndërkohë Brescia do të mbështet te Mario Balotelli i cili ka përfunduar pezullimin prej 4 ndeshjesh dhe do të debutojë me dallëndyshet. Në shumicën e debutimeve të tij me skuadrat e reja Balotelli ka lënë shenjë duke shënuar kështu që Juventusi është i paralajmëruar.
