Connect with us

Hi, what are you looking for?

Serie A

Ronaldo shmang humbjen në derbi, Juve del nga gara për titull

Vetëm një pikë në dy ndeshje për Juventusin që nuk shkoi përtej barazimit 2-2 në derbin ndaj Torinos dhe tani e sheh veten plotësisht jashtë garës për titullin kampion, pasi ka plot 9 pikë më pak se Interi, ndonëse ka luajtur një ndeshje më shumë se zikaltrit.

Në stadiumin “Olimpik” të Torinos, bardhezinjtë e nisën vrullshëm ndeshjen dhe gjetën golin e avantazhit në minutën e 13’ me anë të Federico Chiesës, që gjuajti saktë pas një asisti të Alvaro Moratës.

Megjithatë vendasit reaguan mjaft mirë dhe gjetën golin e barazimit në minutën e 27’ me anë të Sanabrias, i cili mposhti Szczesnyn dhe bëri që skuadrat të shkojnë në dhomat e zhveshjes me rezultatin 1-1.

Në fillim të pjesës së dytë ishte sërish Sanabria që befasoi bardhezinjtë dhe shënoi për herë të dytë në portën e Szczesnyt, duke i dhënë avantazhin pjesës “granata” të qytetit të Torinos.

Më pas lojën e mori në kontroll Juventusi, që provoi disa herë të gjejë golin e barazimit, por hasi në një Sirigu në formë të jashtëzakonshme, që bëri disa pritje vendimtare. Goli i barazimit u shënua nga Cristiano Ronaldo në minutën e 81’-të pas një rrëmuje në zonë.

Në minutat shtesë ishte sërish Torino që pati një mundësi të artë për të gjetur golin e avantazhit, por goditja e dënimit e ekzekutuar në mënyrë perfekte nga Baselli, u grushtua po kaq mirë nga Szczesny në këndore, duke bërë që sfida të mbyllej në barazim 2-2.

Një pikë mjaft e rëndësishme shprese për Torinon, që do të duhet të vuajë deri në fund për të siguruar mbijetesën, ndërsa Juventus mbetet në zonën Champions, por tani me 56 pikë, aq sa ka edhe Napoli i vendit të 5-të, me të cilin do të përballet të mërkurën pasdite.

Napoli kap zonën Champions, Atalanta bën detyrën, “ngec” Roma

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...