Cristiano Ronaldo në pjesën e parë dhe Mario Mandzukic në të dytën, dërguan topin në rrjetën e portës së Spalit dhe i dhanë Juventusit fitoren e 12 në 13 javët e para të kampionatit italian.
Përveçse zhbllokoi ndeshjen, me golin e sotme, Cristiano Ronaldo shënoi edhe një rekord me fanellën bardhezi, pasi arriti të shënojë golin e 10 në vetëm 16 ndeshje në sezonin debutues me Juventusin.
Portugezi theu rekordin e Philippo Inzaghit, të cilit iu deshën 18 javë për të shënuar 10 gola, por edhe Gonzalo Higuainit, që iu deshën plot 20 javë për të prekur këtë shifër.
Nga ana tjetër, bardhezinjtë kanë kompletuar një nisje perfekte të sezonit, duke fituar gjithçka, përveç atij hapi fals ndaj Genoas dhe tashmë renditen në kuotën e 37 pikëve, të ndjekur nga Napoli me 28.