Connect with us

Hi, what are you looking for?

Itali

Juventus, më shumë Motta se Conte, por vendos… Allegri

Antonio Conte apo Thiago Motta, vendos Allegri. Juventusi po pret fundin e kampionatit për të bërë bilancin përfundimtar të sezonit duke përvijuar të ardhmen. Një projekt që nis natyrisht nga stoli.

Pas një nisjeje të shkëlqyer të sezonit bardhezinjtë u zhytën në errësirë dhe vetëm dy fitoret e fundit kundër Fiorentinës dhe Lazios në Kupën e Italisë i kanë rikthyer në shina, por gjithsesi pozicioni i Allegrit mbetet i lëkundur.

Ambienti bardhezi kërkon një ndryshim në drejtimin teknik dhe Giuntoli ka si synim ta kënaqë, gjithmonë nëse gjen një akord me teknikun toskan, i cili është i vendosur të bëjë të respektohet kontrata e tij, sidomos nëse ia del të sigurojë një vend që të çon në Champions League dhe fiton dhe Kupën e Italisë.

Lexo edhe: 

Në rast lamtumire, janë dy profilet që po merren në konsideratë në Torino. I pari është më i pëlqyeri nga tifozët dhe korrespondon me emrin e Antonio Conte-s. Ish-kapiteni pret prej kohësh një telefonatë nga ish-klubi i tij, por në të njëjtën kohë po çon përpara tratativat me Napolin.

De Laurentiis e do me çdo kusht dhe është gati ta kënaqë si nga pikëpamja ekonomike ashtu dhe nga ajo e merkatos. Pas një lloj ftohtësie në fillim palët janë afruar shumë dhe tratativa duket goxha shpresëdhënëse.

Edhe për këtë arsye është shumë më e mundur që në rast ndryshimi të trajnerit, Juventus t’i besojë Thiago Motta-s. Do të ishte njeriu i duhur për të nisur thuajse nga zero një proces rithemelimi, t’i japë një lojë skuadrës dhe të besojë te të rinjtë.

Pengesat janë 2; Pikë se pari Bolonja nuk ka ndër mend të privohet nga “timonieri” që po e çon drejt një kualifikimi të bujshëm në Champions dhe e dyta dhe sirenat nga jashtë italisë me disa skuadra të nivelit të lartë, me ato të Premier League në krye që janë gati të vënë bast mbi ish-lojtarin e Inter.

Për të gjitha këto arsye para së gjithash duhet sqaruar situata me Allegrin që dëshiron të qëndrojë, por kërkon edhe garanci për të ardhmen.

Lajme të tjera

La Liga

Xavi rrezikon shkarkimin nga posti i trajnerit të Barcelonës sapo të mbyllet sezoni. Deklarata e fundit ka sjellë shqetësim në klub, teksa është pritur...

Featured

Me një letër të hapur të publikuar në faqen zyrtare të klubit, presidenti i Inter-it, Steven Zhang u shkruan tifozëve, duke pranuar vështirësitë financiare...

Serie A

Milani ndan mendjen për trajnerin e ri. Klubi kuqezi duket i vendosur të mbyllë bashkëpunimin me Stefano Piolin në fund të sezonit dhe duket...

Itali

Orë vendimtare për Interin. Të hënën e 20 majit skadon huaja që fondi “Oaktree” i ka dhënë numrit një të zikaltërve në vitin 2021....