Connect with us

Hi, what are you looking for?

Serie A

Juventus-Milan/ Bardhezinjtë për kreun, milanezët të rindezin entuziazmin

Juventus-Milan është sfida e emocioneve të forta, pavarësisht se skuadrat gëzojnë forme të ndryshme nga njëra-tjetra. Bardhezinjtë duan të sigurojnë një tjetër triumf ndaj kuqezinjve, në mënyrë që të vazhdojnë të udhëheqin tabelën e klasifikimit në kampionat, teksa në kampin tjetër “djalli”, që pavarësisht se ka ndërruar trajnerë, vazhdon të jetë në agoni.

Humbja e fundit kundër Lazios vë sërish në dukje problemet e mëdha që ka ky ekip, që ndryshe nga bardhezinjtë, do t’i kërkojë tri pikët si “ujin në shkretëtirë”, pas ecurisë aspak pozitive gjatë këtyre javëve. Gjithsesi pavarësisht se Juventus ende nuk e ka regjistruar humbjen e parë në kampionat, ekipi i Sarrit ka shfaqur probleme në lojën e saj.

Edhe pse me shumë alternativa në sulm, goli vjen më vështirësi. Një gjë e tillë është parë shpesh si në takimin e fundit në Champions, por edhe në kampionat ndaj Torinos.

Në mars të 2011-ës është hera e fundit kur kuqezinjtë kanë triumfuar në kampionat kundër “Zonjës së Vjetër”, teksa këtë herë do të tentojnë të ndalin këtë ecuri negative, por mbi të gjitha të marrin një rezultat që do të rriste entuziazmin për të ardhmen.

Në radhët e milanezëve pritet të ketë një minirevolucion taktik, pasi Pioli pritet të luajë me rreshtimin 3-4-2-1, me Suson dhe Calhanonglu që pritet të jenë në mbështetje të Piontek. Ndërkohë bardhezinjtë do të konfirmojnë skemën e zakonshme 4-3-1-2, me Ramsey që do të qëndrojë pas dyshesh së sulmit Higuain-Ronaldo.

Por spektakli në Serinë A do të startojë që në orën 12:30, me takimin Cagliari-Fiorentina, dy prej ekipeve që luajnë futboll mjaft të bukur dhe kanë treguar formë mjaft të mirë në këto javë të para. Në orën 15:00 do të vijnë takimet Lazio-Lecce dhe Sampdoria-Atalanta, ndërsa në orën 18:00 sfida Parma-Roma.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...