Connect with us

Hi, what are you looking for?

Itali

Juventus në alarm për mesfushorë, vendos në shënjestër lojtarin e Atletico Madrid

Drejtuesit e Juventus nuk e kanë luksin të pushojnë në këtë periudhë dhe kanë nisur tashmë nga puna për merkaton e janarit. Bardhezinjtë janë të detyruar të investojnë duke qenë se Paul Pogba dhe Nicolo Fagioli janë jashtë skuadre të paktën deri në fundin e sezonit. I pari prej çështjes së dopingut ndërsa tjetri prej përfshirjes në skandalin e basteve.

Emrat në listën e drejtuesve të Juventus janë të shumtë ndërsa në “Pole-Position” duket se ka kaluar Rodrygo De Paul i Atletico Madrid. Argjentinasi nuk konsiderohet më si një nga lojtarët e paprekshëm të organikës së trajnerit Diego Simeone dhe mund ta pranojë transferimin në Itali edhe si një mundësi për të treguar sërish vlerat e tij.

Lexo edhe:

De Paul e njeh mirë kampionatin italian duke qenë se në të kaluarën është aktivizuar me Udinese dhe në këtë formë nuk do të kishte nevojë dhe të merrte kohë për t’u përshtatur. Ky është një plus i madh për Zonjën e Vjetër që kërkon që mesfushorin e ardhshëm ta integrojë menjëherë në skuadër.

Ideja e transferimit është ajo nëpërmjet formulës së huazimit, ndërsa në kontratë do të përfshihej edhe detyrimi i blerjes me detyrim të kartonit të lojtarit në rast se Juventus kualifikohet në Champions League sezonin e ardhshëm. Mbetet për t’u parë nëse klubet do të gjejnë gjuhën e përbashkët pasi tratativat ende nuk kanë nisur konkretisht.

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...

Serie A

Mesfushori i Interit, Hakan Calhanoglu ka dhënë një intervistë për faqen humoristike sportive “Gli Autogol”, ku ka rrëfyer dhe aspekte të tjera të shokëve...

Bundesliga

Serie A dhe Bundesliga kanë një mundësi të artë për të dërguar sezonin e ardhshëm në Champions League jo 5, por plot 6 skuadra!...