Juventusi kryqëzon gishtat për Mario Mandzukic. Sulmuesi u largua nga fusha i dëmtuar në sfidën kualifikuese të Botërorit Rusi 2018 mes Kroacisë dhe Finlandës dhe fjalët e trajnerit të përfaqësues ballkanase Ante Cacic, lidhur me gjëndjen e 31-vjecarit kanë trembur bardhezinjtë dhe trajnerin e tyre Massimiliano Allegri.
Mandzukic është një lojtar i pazëvendësueshëm në skemat e trajnerit të Juves dhe mungesa e tij për një kohë të gjatë do të ishte një problem i madh për Allegrin. Ish sulmuesi i Bayernit ishte autori i golit të avantazhit provizor në sfidën mes Kroacisë dhe Finlandës ndërsa më pas u largua nga fusha i dëmtuar pasi mori një goditje në kavilje. Fjalët e Cacic po mbajnë në ankth Juventusin sepse në përfundim të sifdës trajneri i Kroacisë deklaroi se 31-vjecari ka problem serioze dhe në kampin bardhezi i druhen një mungese të gjatë të lojtarit.