Drejtori Sportiv i Juventusit, Fabio Paratici ndodhet në Madrid për të ndjekur finalen e Ligës së kampionëve, ndërsa sipas mediave italiane, i vëzhguari special do të jetë mbrojtësi anglez i Tottenhamit, Kieran Trippier.
28-vjeçari është nga mbrojtësit e djathtë më të mirë në qarkullim dhe ka një kontratë deri në vitit 2022 me Tottenhamin, ndërsa kartoni i tij mund të kushtojë rreth 35 milionë euro.
Kjo shifër është tërësisht e pranueshme nga bardhezinjtë, që synojnë të shesin rreth 60 milionë euro portugezin Joao Cancelo, për të investuar më pas diçka më tepër se gjysmën, për mbrojtësin e kombëtares angleze.
Trippier ndiqej edhe nga Napoli, por De Laurentiis dhe Ancelotti vendosën të heqin dorë, për të investuar rreth 10 milionë euro te mbrojtësi i Empolit, Giovanni Di Lorenzo, i cili iu bashkua napolitanëve dej.