Juan Cuadrado ka bindur Maurizio Sarrin dhe ka marrë një fanellë titullari si mbrojtës i djathtë, ku ka luajtur rregullisht. Kjo ka mjaftuar që drejtuesit e klubit t’i rinovojnë kontratën futbollistit kolumbian, që erdhi si sulmues krahu, por tani është shndërruar në mbrojtës.
Kështu klubi bardhezi ka njoftuar mbrëmjen e sotme se kanë nënshkruar një kontratë të re me Cuadradon, që do t’i mbajë të lidhura palët deri në qershor të vitit 2022.
Juan Cuadrado iu bashkua Juventusit në sezonin 2015-2016 dhe që atëherë, përveçse ka fituar shumë trofe me klubin, ka dhuruar paraqitje mjaft të mirë dhe gola e asiste të shumtë, përveçse ka qenë një xholi për trajnerët, duke mbuluar disa role.