Tek Juventusi është momenti i Moise Kean. Sulmuesi i talentuar po shënon me bardhezinjtë në ato pak shanse që i ka dhënë Allegri, pa harruar edhe golat me përfaqësuesen italiane.
Presidenti i bardhezinjve, Agnelli, ka sinjalizuar drejtuesit që të nisin bisedimet për rinovimin e kontratës deri në vitin 2024 me sulmuesin 19-vjeçar, i cili përfaqësohet nga i famshmi Mino Raiola. Qëndrimet e të dyja palëve janë për të vazhduar bashkëpunimin, teksa paga e Kean do të rritet ndjeshëm, por duhen kuptuar garancitë teknike që mund t’i japë Allegri, i cili ende nuk e sheh titullar të menjëhershëm.