Connect with us

Hi, what are you looking for?

Serie A

Juventusi pa Ronaldon, rikthehet te fitorja, goleadë e Fiorentinës ndaj Sampit!

Juventusi rikthehet menjëherë te fitorja në Serie A duke treguar se humbja në Verona ishte thjeshtë një aksident. Bardhezinjtë triumfuan në Allianz Stadium me rezultatin 2-0 ndaj Brescias së Mario Balotellit. Një fitore me golat e Dybalas dhe Cuadrados për bardhezinjtë të cilët luajtën për më shumë se 55 minuta përfshirë edhe shtesat me një lojtar më shumë. Pa Cristiano Ronaldon i cili u la pushim nga trajneri Sarri për të rikuperuar energjitë, për tia bërë më të thjeshta gjërat Juves mendoi francezi Aye. Sulmuesi i Brescias në minutën e 37-të pengoi Ramsey në limitet e zonës dhe mori kartonin e dytë të verdhë në pak minuta duke lënë skuadrën e Eugenio Corinit me një lojtar më pak. Goditjen standarte e mori përsipër Dybala i cili e kthehu në gol me një mjeshtëri të jashtëzakonshme, ndërkohë që pas shumë e shumë përpjekjesh të Juves në minutën e 75-të Cuadrado i shërbyer nga Matuidi finalizoi një aksion model të “zonjës së vjetër” duke i çuar shifrat në 2-0 dhe duke vulosur suksesin e bardhezinjëve që e ngjiti skuadrën e Sarrit në krye të renditjes në kuotën e 57 pikëve. Iu largua fundit të klasifikimit Fiorentina që mori një fitore të thellë në fushën e Sampdorias me shifrat 1-5 në një ndeshje ku dy talentet vjollcë sulmuesi serb Dusan Vlahovic dhe Federico Chiesa shënuan nga 2 gola. Një sukses me peshë mori edhe Parma në derbin e Emilia Romagnas ndaj Sassuolos në Mapei Stadium me rezultatin 0-1 me një gol të Gervinho.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...